Abaday gipasidunggan ang PNP Maritime

GIPASIDUNGGAN ni Konsehal Roger Abaday, chairman sa komite sa public order and safety, ang mga personahe sa PNP Maritime human nagmalampuson ang ilang gihimong operasyon batok sa illegal mining dihas Opol, Misamis Oriental diin nakumpiska ang mga ekipo nga maoy gigamit sa illegal nga pagmina.

Atol sa tigom sa komite, si Konsehal Abaday nagkanayon nga bisan wala kini mahitabo sa sulod syudad, apan apektado gihapon ang dakbayan sa epekto sa maong illegal mining.

Gilaraw ni Abaday nga muduso siya og resolusyon ngadto sa plenaryo nga maghatag of pasidungog sa mga opisyal ug mga personahe sa PNP Maritime-10.

Malaumon si Konsehal Roger Abaday nga ipadayon sa PNP Maritime ang ilang paggukod sa naghimo ug illegal nga aktibidades sa kabukiran nga maoy nakadaot sa kinaiyahan. (MLR/SP)