top of page

4 infra projects sa Taglimao mapatuman

UPAT ka proyekto sa imprastraktura ang mapatuman sa Barangay Taglimao karong tuiga. Kini human ang Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, misagop sa resolusyon nga nag-uli sa ordinansa sa barangay diin nasukip ang ilang 2023 Annual Budget nga adunay gibana-banang kinitaan ug galastohon balor P3,887, 798.00.

Tipik sa gihatagan og prayoridad sa barangay nga mapatuman mao ang proyekto pagrehabilitar sa sistema sa panubig balor P150 mil, pagtul-id sa pipila ka dalan balor P150 mil, multi-purpose building balor P150 mil ug drainage system balor P119 mil kapin.


Gigahinan usab sa barangay og igong pundo ang mga programa sa kabatan-onan, pagpahigayon og disaster preparedness and response, search, rescue and retrieval training ingon man pagpalit og kagamitan panahon sa kalamidad.


Ang resolusyon nga gipalabang sa Konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam Lim ug Komite sa Pamalaod ni Konsehal Edgar Cabanlas.

bottom of page