2026 SAIP 3 tun-an sa komite ni Cabanlas

GITINGUHA ni Bise Mayor Bebot Rodriguez nga masuportahan ang mga prayoridad nga programa, proyekto ug kalihokan sa lokal nga kagamhanan sa dakbayan.

Kini human giduso ni Bise Mayor ngadto sa komite sa reglamento ug pamalaod ubos ni Konsehal Edgar Cabanlas ang CDC Resolution No. 06 (S.  2026) diin nasukip ang 2026 Supplemental Annual Investment Program (SAIP) No. 3 nga mobalor sa P21,781,000.00 alang sa Programs, Projects, and Activities (PPAs) sa dakbayan.

Kini aron matubag ang mga panginahanglanon sa paglambo sa siyudad, pagsiguro nga mahatag ang mga serbisyo publiko, ug pagsuporta sa RISE CDO Agenda sa kagamhanan.

Naglaum si Bise Mayor Bebot Rodriguez nga masuportahan kini nga lakang. (RNQ/SP)