2026 LDRRMFIP aprobado sa Konseho

GIHINGUSGAN karon sa dakbayan sa Cagayan de Oro nga mapalig-on ang disaster resiliency aron kini andam pagtubag ug mapanalipdan ang katawhan panahon sa katalagman.

Sa sesyon sa Konseho sa Martes nga gidumala ni Bise Mayor Bebot Rodriguez, hiniusang giuyonan ang 2026 Local Disaster Risk Reduction and Management Fund Investment Plan (LDRRMFIP) sa dakbayan.

Hugot nga gisuportahan ni Konsehal Paolo Gaane, chairman sa komite sa climate change adaptation and mitigation and disaster risk reduction, ang maong 2026 Local Disaster Risk Reduction and Management Fund Investment Plan.

Gibutyag sa konsehal ang kamahinungdanon sa pagpalig-on sa implementasyon ug pagpangandam sa syudad sa mga katalagman.

Ang maong katuyoan gipaluyohan sa komite sa climate change adaptation and mitigation and disaster risk reduction ni Konsehal Paolo Gaane ug sa komite sa pamalaod ug reglamento ubos ni Konsehal Edgar Cabanlas. (RNQ/SP)