2026 Disaster Risk Reduction Plan padayong tun-an sa komite ni Gaane

SUPORTADO ni Konsehal Paolo Gaane ang 2026 Local Disaster Risk Reduction and Management Fund Investment Plan (LDRRMFIP) sa dakbayan.

Matod sa konsehal nga importante kaayo kini aron maandam ang syudad sa mga katalagman.

Kini human si CDRRMD Officer in Charge Nick Jabagat sa miaging tigom mibutyag sa kamahinungdanon sa pagpalig-on sa implementasyon sa pagpangandam ug sa pagsunod sa Department of the Interior and Local Government (DILG) Seal of Good Local Governance.

Niini, gitahasan ni Konsehal Gaane si OIC Nick Jabagat sa pagsumite sa final draft sa ordinansa uban sa makuting pagsusi sa buhatan sa City Legal Office.

Ang maong tigom gitambongan ni Konsehal Aga Suan, minority floor leader sa konseho. (RNQ/SP)