top of page

2024 Medical, Law Scholarship Program abre na!

SI Konsehal Suzette Magtajas-Daba, Chairman sa Komite sa Edukasyon, mipahibalo nga nagsugod gahapong adlawa, Mayo 20, 2024, ang pagdawat sa aplikasyon alang sa 2024 Medical ug Law Scholarship Program sa dakbayan.


Cagayan de Oro Medical and Law Scholarship 2024 Inforgraphic
Photo grabbed from City Information Office

 Ang pagdawat sa aplikasyon hangtod lamang sa Mayo 30 ning tuig, dugang sa Konsehal.

 

Matod ni Daba nga ang madawat sa maong programa magsilbing pinakaunang mga iskolar sa natad sa Law ug Medisina human gipalapdan sa kagamhanan ang City Scholarship Program.


Dako kini kaayo nga kahigayonan sa tanang post graduate nga mga tinun-an sa syudad kay mahatagan og katumanan ang ilang gidamgong mamahimong usa ka doktor ug abogado, dugang sa konsehal.

 

Si Daba kusganong nanawagan dili lamang sa mga alumni city scholars kundi lakip na sa mga interesado ug kwalipikadong tinun-an nga mag-apply online pinaagi sa link: bit.ly/MedLawApplication2024.

 

Nagpahinumdom usab ang konsehal nga gikinahanglan kumpletohon gyud ang ilang requirements aron makakuha sa exam.

 

Alang sa dugang detalye ug impormasyon, giawhag ang tanan sa pagbisita sa FB page sa CdO City Scholarships Office.

Comments


bottom of page