Gan motuki sa hangyo sa mga hamtong sa Agora Chapter

Konsiderahon sa komite sa senior citizens ni konsehal Leon Gan ang resolusyon nga gipalabang sa barangay Lapasan, ning syudad nga naghatag og panugot sa mga sakop sa Agora Senior Citizen Chapter nga makatukod sa ilang opisina nga adunay sukod nga 5meters x 10 meters dinha sa loteng gipanag-iyahan sa barangay nga nahimutang sa Sitio Lapaz 1.


Sa maong resolusyon hiniusang giuyunan sa konseho sa barangay nga himuong opisina ug headquarters sa Agora Senior Citizens Chapter ingon man sa mga kasikbit nga sitio chapters sa kapunungan.


Gilantaw nga ang maong lugar magamit sa mga hamtong sa dapit alang sa ilang mga kalihukan o mga programa nga gusto nilang hisgutan.


Gilaumang makatabang kini nga opisina sa mga hamtong nga anaa ra nanimuyo hadool kay dili naman layo kanila ug mas dali silang makatigom alang sa kalampusan sa ilang mga kalihukan. (SP/El Kapitan)