Pascual mipahalipay sa mga city scholars

Hayan madugangan pa sa sunod tuig ang mga City Scholars sa syudad.

Kini ang pamahayag ni konsehal Jay Pascual, chairman sa komite sa turismo atol sa iyang programa sa radyo.

Sumala ni Pascual nga suportado niya ang programa ni Mayor Oscar Moreno ilabina ang programa sa natad sa edukasyon diin ubay ubay karon ang nakapahimulos sa scholarship program sa syudad ug mas modaghan pa sa umaabot tuig tingklase.

Niining panahon sa bakasyon giagni sa konsehal ang mga iskolar sa syudad nga makiglambigit sa programa sa paugnat sa kusog kay maayo kini kun itandi sa pagdula sa internet ug labaw sa tanan malikay sila sa mga dautang bisyo, pamahayag ni Pascual.

Samtang gipadangat usab ni Pascual ang iyang pagpasalamat sa mga kauban sa konseho ilabina ang pagsuporta sa iyang kometiba sa turismo diin hinay hinay nang napalambo ang uban pang tourist spots sa syudad.

Malaumon ako nga sa umaabot nga mga katuigan dili lang ang atong water river rafting maoy gibantog ug naila nga tourist destination kun dili lakip na ang mga waterfalls ug uban pa, panapos ni Pascual. (SP/El Kapitan)