Salcedo padayong mopahigayon og livelihood trainings sa brgys


PADAYON UG DILI mohunong ang komite sa kooperatiba dinha sa pagbansay bansay ug pagtudlo sa katawhan sa barangay kalabot sa dugang kapanginabuhian sama sa food processing.


Mao kini ang gibutyag ni konsehal Eric Salcedo, chairman sa komite, sa iyang programa sa radyo di palang dugay.


Matod sa konsehal nga ila gayod gitun-an ug gipangita ang negosyo sa food processing nga gamay lang ang puhunan ug magahom sa tanan sa ingon nga magamit nga dugang kakuhaan sa kinitaan labina sa mga inahan.


Gani matod pa, sa kantidad nga P500 mahimo na kining puhunan aron nga makasugod sa gamay’ng negosyo.


Gibutyag sa konsehal nga sa Macasandig ug ubang barangay aduna nay nagsugod sa food processing business human kini gitudloan unsaon paggama ug pagproseso sama sa atsara gamit ang sayote.


Sa kasamtangan moabot na sa napulo ka libo ang natudluan sa komite ug naseminar kalabot sa nagkalain laing matang sa food processing nga gilauman nga dako kaayo og tabang aron nga mausab ang dagan sa ilang kinabuhi. (SP/Yonggals)