MoA alang sa work immersion, internship program tun-an

KONSIDERAHON SA KOMITE sa edukasyon ni konsehal Suzzete Magtajas Daba ang sulat ni Mayor Oscar Moreno nga naghangyo pagpalabang og balaod nga maghatag kaniya og katungod pagpirma sa Standarized Memoranda of Agreement tali mga educational institution alang sa pagpatuman sa Work Immersion (Senior High Schools) and Student Internship (College and Higher Education Institutions) Programs.

Mahinumduman nga ang Department of Education (DepEd) nagpaila sa K to 12 Basic Educational Reform Program nga naglakip sa Senior High School diin naninguha nga ang mga graduate sa basic education mahimong andam na alang sa pagpanarbaho, pagnegosyo ug sa mas taas pa nga kahibalo aron makab-ot ang tumong, gikinahanglan sa mga tunghaan makig-partner sa kagamhanan alang sa maong katuyuan.

Sa maong paagi ang lokal nga kagamhanan mag-operate sa mga lugar diin nahimutang ang mga tunghaan nga naay buhatan, fasilidad ug proyekto ug insaktong kasinatian nga mahimong magamit sa tunghaan alang sa student work immersion nga katuyuan.

Sa maong kasabutan, ang kagamhanan makilambigit sa maong immersion partnership uban sa mga tunghaan isip kabahin sa misyon nga makamugna og kaayuhan dinha sa komunidad labina sa kinabuhi ug kaugmaon sa kabataan. (SP/Yonggals)