Mga kabtangang naigo sa pag-abli og dalan dihas Brgy 21 mabayran


Subling tun-an sa komite sa finance, budget & appropriations ni konsehal Edna Marban-Dahino ang hangyo alang sa full payment for just compensation sa mga kabtangan sa pamilyang Ramon Banaglorioso ug mga kauban.


Si Dahino mitino nga gikinahanglang masusi pag-usab ang dapit ug masumete sa representante ang Special Power of Attorney (SPA) gikan sa tinuod nga mga nanag-iya.


Mahinumdoman nga ang maong propyedad maapektohan sa giplanong pag-abli sa Baculio Street gikan sa Julio Pacana St. hangtod sa Manuel Vega St., sa Barangay 21 og Consolacion, ning syudad.

Kini mobalor og P657,414.14 diin ang pundo pagakuhaon gikan sa Current Appropriations, Annual Budget CY2017. (APD)