Reklamo batok kagawad sa brgy Cugman tun-an sa Blue Ribbon

Tun-an sa komite sa ethics & blue ribbon ni konsehal Lordan Suan ang Resolosyon No. 2018-09 sa konseho sa barangay Cugman.


Kini kabahin sa usa ka reklamo administratibo sa giingon nga sunod sunod nga walay pag-abiso ni kagawad Roger Tolod sa iyang pagkapakyas pagtambong sa regular nga sesyon sa konseho sa barangay Cugman.


Sa maong resolosyon nagpasabot nga gikan sa bulan sa Enero 2018 hangtod karong panahona si kagawad Roger Tolod wala gayud mopatim-aw sa buhatan sa barangay ug dogang pa wala usab kini mohatag sa iyang mga rason sa maong kapakyasan busa sa maong sitwasyon ang konseho sa panahon sa ilang sesyon pinaagi sa motion ni kagawad Cagatin ug gisuportahan sa tanang mga myembro sa konseho mipasaka sa maong resolosyon. (APD)