CdeO andam na pagsaulog sa tinuig nga kapistahan Mga kalihokan pahaum sa kasaulogan gihan-ay

Mas mabulokon ang kasaulogan sa tinuig nga pangilin ni Sr. San Agustin karong bulana.

Mao kini ang gipahibalo ni konsehal Jay Pascual, chairman sa komite sa turismo atol sa ilang sinemanang programa sa radyo kagahapong adlawa uban ni konsehal Ian Mark Nacaya.

Ang mga nahan-ay nga kalihokan pahaum sa kasaulogan naglakip sa Higalaay Agri Fair and Garden Show dinha sa Gaston Park, Kumbira 2018 sa Limketkai Center sugod sa Agosto 15-17, Kahimunan Regional Trade Fair sa SM City Uptown sugod sa Agosto 17-29, Kagay-an Festival Marathon ug Higalaay Choral Competition sa Centrio Mall sa Agosto 19.

Daghan pang mga kalihokan ang gilantaw nga maghatag og kasadya sa kasaulogan, dugang ni Pascual. Kini naglakip sa Cowboy Festival dinha sa Roa Property sa CDO uptown sa Agosto 24-26, Miss Cagayan de Oro 2018 coronation night dinha sa Limketkai Atrium sa Agosto 25, Special Feature Motor Ace Kagay-an Dragon Boat Fiesta Race sa Agosto 25-26 dinha sa Cagayan de Oro River.

Niini, malaumon si Pascual nga magpabiling masadya malinawon ang tibouk kasaulogan.