Suan uyon sa gipatuman nga pletihan sa motorela



Kun unsa ang anaa sa balaod kinahanglan ug angayan nga maoy sundon.

Mao kini ang pamahayag ni konsehal Lordan Suan atol sa public hearing nga gipahigayon sa komite sa public utilities ni konsehal Bong Lao kalabot sa omento sa pletihan sa motorela.


Ang hugpong sa mga motorela operators ug drivers mihangyo nga unta mausbawan og piso ang pletihan gikan sa kasamtangang P6 pesos ngadto sa P7 pesos.


Sa maong tigom, ang representante sa sektor sa mga tunghaan ug sumasakay mipadayag nga ang gihangyong omento dili makatarunganon tungod kay ang ruta sa mga motorela duol lamang. Gani, daghan man ang mga pasahero nga ilang makuha nga mobyahe sa susamang ruta.


Matod pa nga ang motorela gikan sa Macanhan adunay elementary ug high school nga maagian gawas sa mga ubang sumasakay ug kini moagi sa West City Central School nga adonay sobra sa sais mil ka mga tinun-an. Aduna pay Golden Heritage, Cagayan de Oro College, St. Mary’s Academy maong dili gayud maalkansi ang mga driver nga magbyahian sa maong ruta.


Gidugang pa nga dili usab angayan ang omento tungod kay magparehas na sila sa pletihan sa mga jeepney nga mas mahal ug mas dako ang ilang mga maintenance. (APD)