top of page

Goking misuporta sa kalihokan sa mga magtutudlo sa WCCS

Si konsehal George Goking, chairman sa komite sa ways and means, mipadayag sa iyang pagsuporta sa mga ipahigayong “Action Research, Action Learning (ARAL)” sa mga magtutudlo sa West City Central School (WCCS) nga ipahigayon didto sa Philippine International Convention Center (PICC) sa Pasay City.


Dugang pa nga ang maong mga magtutudlo nga researchers miuban na sa gipahigayon gikan sa division, regional, national ug bisan na sa International Research Congress & Conferences.


Sa pamahayag sa mga magtutudlo nga katungod sa usa ka bata nga makakuha sa labing maayo nga edukasyon ug sa maong pamaagi sila makahatag sa mga moderno nga pamaagi sa pagtudlo.


Si konsehal Goking usab namahayag nga siya andam mosuporta tungod kay ang makab-ot nga kahibalo sa magtutudlo nga researcher ila usab kini matunol ngadto sa kabataan ug angayan lamang mahinumdoman nga ang kaugmaon sa usa ka nasud maggikan sa mga kabataan karon. (APD)


bottom of page