Daba naninguha maprotektahan kakahuyan

Si konsehal Reuben Daba, chairman sa komite sa social services, nangusog nga ma-regulate ang paglansang, pagpaskil, pagbutang sa mga streamers, posters ug adverstisements diha sa mga kakahuyan.

Kini ang unod sa sugyot ordinansa nga giduso ni Daba ngadto sa konseho ubos ni bise mayor Kikang Uy nga gitumong sa pagproteher sa kakahuyan dinhi sa syudad.

Subay sa Article II Section 16 sa 1987 constitution, gilatid nga kinahanglan nga ang estado moprotektar sa katawhan alang sa balanse ug himsog nga ekolohiya alang sa kinaiyahan. Matod pa nga lakip kini sa palisiya sa Cagayan de Oro ang pag- proteher ug pagkonserba sa mga kakahuyan ingon man ang pagmininar sa kahinlo ug kaanidot sa syudad.

Sa maong sugyot gidili ang paglansang, pagpaskil,

pagpamilit sa mga advertising materials dinha sa punuan sa mga kahoy ilabina ang mga natanom diha sa plaza, parke, kadalanan, boulevards ug ubang susamang public grounds sulod sa teritoryo sa syudad.

Ang maong sugyot nagpahamtang og multa ug silot ngadto sa mga masapong makalapas niini.

Si konsehal Daba malaumon nga pinaagi sa maong balaodnon mapreserbar ang kinaiyahan ug maprotekhan gawas lang nga mamintinar ang kahindik ug kalimpyo sa syudad. (Yonggals)