Urban Poor magtigom karong hapon


Magtigom karong alas 2:00 sa hapon diha sa hawanan sa konseho ang komite sa urban poor and housing development ni konsehal Zaldy Ocon.


Hisgutan atol sa tigom ang update sa plano ug programa sa pagpalambo sa coastal area ilabina dinha dapit sa barangay Lapasan.


Gidapit nga motambong sa tigom aron mopaambit sa ilang mga programa ang Philippine Ports Authority (PPA), Agricultural Productivity Office (APO), City Tourism and Cultural Affairs Office (APO) ug Department of Environment and Natural Resources Office (DENR).


Mahinumduman nga ang mga mananagat sa maong dapit una nang mihangyo nga unta matukoran og kadahikan sa ilang mga sakayan.


Gipaabot motambong sa tigom aron mohatag sa ilang panahum ug opinion sila si konsehal Ocon, Romeo Calizo, Edna Dahino, Enrico Salcedo, Maria Lourdes Gaane ug Yan Lam Lim.


Gidapit usab sa maong tigom ang kapitan sa Lapasan, assistant regional director sa Land Management Bureau sa Department of Environment and Natural Resources, regional director sa Department of Public Works and Highways, officer in charge sa Agricultural Productivity Office, Philippine Ports Authority, Bureau of Fisheries and Aquatic Resources, regional director sa Department of Tourism, City Tourism Officer, Cenro Officer ug hepe sa City Planning and Development Office. (Yonggals)