Reklamo batok sa kapitan sa Besigan padayong tun-an sa Blue Ribbon

Sa tigom nga gipahigayon sa komite sa ethics and blue ribbon ni konsehal Lordan Suan, gituki ang BR Case No. 2016-10 nga naglangkob sa hangyo sa pipila ka sakop sa konseho sa barangay Besigan nga ma-imbestigar ang ilang kapitan.

Ang maong reklamo nagsumikad sa giingong pagkapakyas sa kapitan sa pagpahigayon og regular nga sesyon sa konseho sulod sa pipila na mga bulan.

Hinuon, gumikan kay wala makatunga sa gihimong pagdungog niadtong Mierkoles ang mga nanumbong ug sinumbong, si Suan mi-reset sa hearing sa umaabot nga panahon. Lakip sa gituki sa komite atol sa tigom mao ang reklamo ni Abraham Silawan, Lupon member sa barangay Macasandigbatok ni kapitan Ernesto Edrote alang sa kasong Grave Abuse of Authority.

Hinuon, ang representante ni Silawan mibutyag nga dili na kini interesado nga ipadayon ang maong kaso apan si Suan namahayag nga gikinahanglan nga motambong ang nanumbong aron siya mismo ang mobakwi sa reklamo aron ma-dismiss sa komite. (APD)