Suan miabag sa mga biktima sa baha

Si Konsehal Lordan Suan, chairman sa komite sa blue ribbon, padayong naninguha nga maalibyohan ang kahimtang sa mga biktima sa baha dinhi sa dakbayan.

Ang konsehal miapod-apod sa mga pack goods ngadto sa mga biktima sa duha ka mga bagyo nga milabay nga nagdala og pagbaha niadtong Disyembre 2017 ug sa milabayng semana.

Ang mga biktima nga anaa sa nagkalain laing barangay gisuportahan sa konsehal diin ang uban anaa pa sa mga evacuation centers hangtod karong panahona.

Si konsehal Suan misuporta usab sa masakyan sa mga biktima aron usab makapauli sa ilang mga panimalay. Kinahanglan nga sila matabangan ilabina gayod kadtong nanimuyo daplin sa suba nga maglisod pa pagpauli ngadto sa ilang tagsa tagsa ka panimalay.

Dogang pa ang konsehal mipahigayon usab paghatag sa sand & gravel nga gihangyo sa West City Central School aron mabutang sa pitaon nga dalan ug pagtabon sa dili maayo nga baho nga naggikan usab sa mga mananap nga dala sulod sa tulonghaan. (APD)