Pagsaulog sa Pasko angayang uban sa pamilya -Kon. Goking

Si konsehal George Goking, chairman sa komite sa trade and commerce, nanawagan sa katawhan sa dakbayan nga sa panahon sa pasko dili hikalimtan ang pag-bonding sa pamilya ug ang paghatag sa panahon sa pagsimba pagsaulog sa pasko.

Kini ang panawagan ni Goking atol sa ilang sinemanang programa sa radio nga “Ang Konseho Karon: The Mover of Change and City’s Development”.

Matod ni Goking nga bililhon kini nga mga adlaw nga mahinakop nato ang atong pamilya panahon sa pasko. Gidugang niya nga maayo usab unta nga makompleto nato ang Simbang Gabi matag pamilya aron maduol ta sa grasya sa Ginoo.

Siya malaumon nga magmalinawon ug magmalipayon ang pagsaulog sa pasko sa matag Kagay-anon ug pagtabo sa bag-ong tuig.

Niini, paningkamotan sa konsehal nga pinagi sa iyang komitiba daghang trabaho ug daghang proyekto sa syudad ang moabot sa tuig 2018. Nunot niini, iyang gipasalamatan ang tanang opisyal sa kagamhanan sa dakbayan ug sa kabaranggayan sa kooperasyon ug panaghiusa aron sa pagkab-ot sa kalamboan sa dakbayan. (El Kapitan)