Dahino, Goking, Suan gipasalamatan sa kadagkoan sa West Elem School

Dako ang pasalamat sa kadagkoan sa West City Central Elementary School dinha sa barangay Carmen sa dakong suporta nga gihatag nila ni konsehal Edna Marban-Dahino, Lordan Suan ug George Goking.


Kini pinaagi sa paghatag ug mga kalipayan sa mga magmatutudlo nga mopahigayon sa pagselebrar sa teacher’s Day ugma adlawa.


Mahinumdoman ang maong mga konsehal sa dakbayan kanunay misuporta sa higayon nga sila gikinahanglan sa maong tunghaan.


Sa pamahayag ni konsehal Dahino, ang mga magtutudlo maoy nag-umol sa mga kabataan sa ilang ugma nga mao usab ang magdala sa kaugmaon sa nasud.


Sa iyang bahin, si Suan kinasingkasing nga mipasalamat sa mga magtutudlo tungod kay sila ang nation builders ug usab ang kaugmaon sa usa ka nasud dako sila ug kabahin.


Angayan lamang pahalipayan ang mga magtutudlo tungod usab sa ilang kontribusyon sa ilang propesyon ngadto sa katilingban, dugang pamahayag ni Suan. (APD)