Lao misuporta sa lakang mapalambo sanitary landfill dihas Pagalungan

Si konsehal Teodulfo Lao Jr., chairman sa komite sa energy, misuporta sa lakang pagpangita og paagi nga mahatagan sa solusyon ang taho nga adunay tubig gikan sa Sanitary Landfill dihas Pagalungan nga gakahulog paingon sa Iponan River.

Kini ang reaksyon ni Lao sa special report ni konsehal Nadya Elipe nga adunay gitukod nga kanal gikan sa landfill paingon sa Iponan River.

Matod ni Lao nga gawas sa maong isyo, kinahanglan usab nga hatagan sa pagtagad ang kasamtangang kahimtang sa dalan sa maong landfill nga giingong usa sa mga hinungdan nga adunay paghunong sa pagkolekta sa basura sa niaging mga higayon tungod kay dili makaagi ang garbage trucks panahon sa ting-ulan segun usab sa taho sa Clenro.

Matod ni Lao nga kining mga butanga angayan nga hatagan sa igong patagad alang sa kaayuhan sa katawhan ilabina sa natad sa panglawas. (Yonggals)