TF pagsumpo sa paghimo og firecrackers mugnaon

Sa tigom nga gipahigayon sa komite sa trade and commerce ni konsehal George Goking giplano ang pagmugna ug Task Force (TF) Group aron masumpo ang pagpanghimo ug firecrackers.

Kini nunot sa probisyon sa giluwatang Executive Order 119-2015 nga nagregulate sa firecrackers.

Gipasabot ni konsehal Goking nga sa milabay nga tuig usa lamang ang natala nga casualty sa pagpabuto og firecrackers ug mas labing maayo kun zero casualty niining tuiga sama sa syudad sa Davao.

Niini, gihangyo ni Goking ang buhatan sa Bureau of Fire Protection nga kinahanglan nga mahimong regulated ban kini.