Goking motuki sa mulo sa mga negosyante

Magtigom karong alas 2:00 sa hapon diha sa hawanan sa konseho ang komite sa trade and commerce ni konsehal George Goking.

Tukion sa maong tigom ang update sa giingong P200 milyones nga lugi sa business sector sukad nga gideklara ang Martial Law.

Sa tinguha nga malingkoran ug madungog ang sentimento sa mga negosyante gidapit ni Goking ang kadagkoan sa Department of Tourism (DoT), Department of Trade and Industry (DTI), mga hepe sa lain laing departamento sa City Hall, City Police director Robert Roy Bahian ug uban pang hintungdan ahensya sa gobyerno pagtambong sa gitakdang tigom.

Gipaabot motambong sa tigom aron mohatag sa ilang mga panahum ug opinion sila si konsehal Edna Dahino, Jay Pascual, Ian Mark Nacaya ug Malou Gaane.