Updated: Jul 6
GISUGYOT ni konsehal Roger Abaday, chairman sa komite sa public order and safety, nga palapdan pa ang seguridad sa mga tulonghaan sa syudad aron malikayan ang susamang panghitabo nga pagpamusil sa usa sa mga pang-publikong tunghaan didto sa Tacloban City nga mikalas sa kinabuhi.
Kini ang unod sa special report ni Abaday agig pagpaluyo usab sa susamang tinguha ni konsehal Jhon Jhon Rodriguez atol sa sesyon niadtong Lunes nga gidumala ni Bise Mayor Bebot Rodriguez.
Tinguha ni Abaday ang pagpatuman sa hugot nga seguridad pinaagi sa regular nga pag-patrolya sa kapolisan, pagbutang og Police Desk sa mga tunghaan, estrikto ug pag-improbar sa physical security pinaagi sa No ID, No Entry policy, pagbutang og mga CCTV camera palibot sa tunghaan, pagpahigayon og regular nga pagbansaybansay ug ang hugot nga koordinasyon ug kooperasyon sa kabarangayan, goberno local, mga ginikanan ug uban pang buhatan.
Nagtuo si Abaday nga pinaagi niini mahatagan og igong seguridad ang kabataan ug mapakgang ang mga daotang elemento nga adunay planong mohimo og krimen.
Ang maong taho ni Konsehal Roger Abaday giduso ni Bise Mayor Bebot Rodriguez ngadto sa komite sa edukasyon ni Konsehal Moreno Daba, komite sa public order and safety ni Konsehal Roger Abaday ug sa komite sa social services ni Konsehal Jonjon Rodriguez alang sa dugang konsiderasyon. (MLR/SP)
Updated: Jul 6
Councilor Gilda O. Go, representing City Mayor Rolando A. Uy, received the Stakeholders’ Appreciation and Recognition (STAR) Award from the Department of Environment and Natural Resources–Environmental Management Bureau - Region X (DENR-EMB X), for the city government’s efforts in advancing environmental protection and sustainable governance.
The recognition highlights the city’s continued commitment to implementing programs and initiatives that promote responsible environmental management, ecological preservation, and community involvement.
It also reflects the strong partnership between the local government and its stakeholders in addressing environmental challenges and pursuing sustainable solutions for the benefit of present and future generations. (JAO/SP)
Updated: Jul 1
GIDAYEG ni Bise Mayor Bebot Rodriguez ang Camp Evangelista Movants Homeowners Association atol sa groundbreaking ceremony sa ilang housing project sa Barangay Baikingon.
“Ako kamong gidayeg sa inyong panaghiusa ug determinasyon nga maabot ninyo kining kalamposan,” matod ni VM Bebot, nga mitambong aron ipaabot ang suporta sa lokal nga kagamhanan sa maong housing project.
Ang mga miyembro sa asosasyon mao ang mga pamilya nga naapektuhan sa demolisyon sulod sa Camp Evangelista sa Patag niadtong Hunyo 18, 2024, diin mokabat sa 591 ka mga panimalay ang naapektuhan.
Bisan pa sa mga hagit, nagpadayon ang organisadong paningkamot sa asosasyon ubos sa pagpanguna ni Ms. Raquel Ramonal ug uban pang mga lider ug miyembro aron makabaton og kaugalingong puy-anan.
Gipasabot usab sa bise mayor nga ang kalamposan sa proyekto resulta sa panaghiusa sa komunidad ug sa kooperasyon sa nagkalain-laing sektor nga mitabang sa pag-proseso sa maong housing project.
Lakip sa mitabang sa maong paningkamot mao ang opisina ni Bise Mayor Bebot Rodriguez, nga naghatag og pinansyal nga suporta alang sa groundbreaking ceremony ug nagtabang sa pagpasayon sa koordinasyon sa lain-laing ahensya, sama sa Department of Human Settlements and Urban Development (DHSUD), National Housing Authority (NHA), Department of Environment and Natural Resources (DENR), ug sa Committee on Subdivision, Housing Development and Landed Estate nga gipangulohan ni Konsehal Edgar Cabanlas. (SPE/SP)