Abaday gihingusgan pag-revisit sa balaod kalabot sa parking spaces sa mga mall

GIHINGUSGAN ni konsehal Roger Abaday, chairman sa komite sa public order and safety, nga kinahanglan i-revisit ang ordinansa kalabot sa parking space sa mga establisemento sa syudad human nag-viral ang open letter sa usa ka netizen kalabot sa pagbabag sa mga sidewalks sa usa ka dakong mall ning syudad.

Kini ang unod sa special report ni Konsehal Roger Abaday atol sa sesyon niadtong lunes nga gidumala ni Bise Mayor Bebot Rodriguez.

Sumala ni Abaday nga nakahatag kini og delikado ug purwisyo ilabi na sa mga senior citizen ug mga tawo nga adunay kabilinggan sa panglawas kun PWDs.

Tungod sa gipangbutang nga mga talamnon sa kilid sa dalan, wala nay insaktong loading ug unloading space sa mga mananakay, matod ni Konsehal Abaday.

Malaumon ang konsehal nga mahatagan kini sa igong pagtagad ug sutaon kun kini nahisubay ba sa lagda sa balaod sa syudad.

Ang maong giduso ni Bise Mayor Bebot Rodriguez ngadto sa komite sa Public Utilities ni Konsehal Eric Salcedo ug sa komite sa ways and means ni Konsehal George Christopher Goking alang sa tukmang aksyon ug rekomendasyon. (MLR/SP/Photo by Raquel Ang & JRGalano)