Updated: Jul 1
PADAYON karon nga gipanday ang sugyot ordinansa alang sa mandatory collaboration and coordination tali sa mga barangay council ug sa mga indigenous political structures (Tribal Council).
Kini may kalabotan sa paghusay ug pagresolbar sa mga panagbangi ingon man sa pagdumala sa indigenous cultural communities sa dakbayan.
Sa miaging hiniusang tigom sa komite sa cultural communities ug komite sa barangay affairs nga gidumala ni Konsehal Roberto Cabaring, tagsa tagsa nilang gituki ang mga probisyon nga nakalatid niini aron sa pagsiguro nga hapsay ug hamugaway ang pagresolbar sa bangi sa mga tribu.
Si Konsehal Tabac mipasabot sa kamahinungdanon sa maong sugyot ordinansa tungod kay nahiuyon kini sa tawag sa panahon ug dako kaayo kinig ikatabang pagsulbad sa mga bangi mao nga gikinahanglan ang mga kapitan makatoon usab niini.
Gimando dayon sa komite nga hatagan og kopya sa sugyot ordinansa ang tanang punong barangay ug mga IP representatives aron ila kining matun-an alang sa sunod pagtuki niini nga himoon sa umaabot Hulyo 10 ning tuig. (JRGa/SP)
Updated: Jul 1
The City Council committee on subdivision, housing development, and landed estate chaired by Councilor Edgar S. Cabanlas has extended its support for the socialized housing project in Barangay Camaman-an.
This, as the Consolacion Homeowners Association, Inc. formally applied for a Preliminary Subdivision Development Plan (PSDP), reaffirming its commitment to providing affordable housing options for residents in the area.
During the committee meeting, Mr. Cesar Pagapulaan, Jr., representative of the applicant, said the development project was granted locational clearance in 2013, allowing for initial planning and considerations for the subdivision.
The project covers an area of 7,063 square meters generating 61 lots including the open spaces.
Councilor Cabanlas stressed that this project is not just about building homes, it’s about catering to low-income families.
“Speed is very important here especially that this is a BP 220 socialized housing project, mga ordinaryong tao lang kini. It is the association that initiated the project.”
With this, the committee favorably endorsed the matter to the committee on laws and rules for appropriate action. (JBD/SP)
Updated: Jul 1
GIKAHINGAWA ni Konsehal Roger Abaday, chairman sa komite sa public order and safety, ang gipadangat nga datus gikan sa Cagayan de Oro City Police Office ug sa City Social Welfare and Development Department kabahin sa ilang operasyon batok sa mga minors nga gasinlok og rugby.
Segun sa taho nga nadawat ni Abaday, mokabat sa 175 ka mga minor de edad ang na-rescue sa CSWD gikan sa bulan sa Enero hangtod Mayo ning tuig samtang 27 usab ang nalambigit sa rugby ug 106 sa paglapas sa curfew ordinance.
Sumala ni Abaday nga lisod ang pag-rescue sa mga minor de edad nga anaa sa kadalanan ug nag-sinlok og rugby tungod kay kon makita nila ang Police nga mag-siren o’ bisan red light pa, dayon naman sila sa pagdagan.
Busa dako og partisipasyon sa kabarangayan aron kini masumpo, matod ni Abaday.
Dugang sa konsehal atol sa tigom sa komite sa public order and safety, komite sa barangay affairs ug sa komite sa trade and commerce, nga angayan na ang hugot pagpatuman sa balaod ug kinahanglan usab kining ma-amendahan tungod sa kagamay sa mga multa alang niadtong makalapas niini.
Malaumon si Konsehal Roger Abaday nga sa sunod tigom sa komite pinaagi sa hiniusang sugyot ug rekomendasyon sa nagkadaiyang ahensya sa goberno, makab-ot na ang pinal nga balaod alang sa nasangpit nga katuyoan. (MLR/SP)