Suan misuporta sa aplikasyon sa AB Leisure Exponent

SUPORTADO ni Konsehal Aga Suan, minority floor leader sa konseho, ang aplikasyon sa AB Leisure Exponent Inc. alang sa pag-operate sa PAGCOR Bingo Games diha sa 2nd Floor, Robinson Mall, ning syudad.

Kini human gikumpirma sa representante sa Business and Licensing Division ug sa City Planning and Development Office (CPDO) sa miaging tigom sa komite sa games and amusement ubos ni Konsehal Jing Daba nga nakakompleto na sa tanang rekisitos ang maong aplikante.

Subay niini, ang komite mopahigayon og inspeksyon sa dapit nga himoan sa maong Bingo Games karong umaabot Biernes, Hulyo 10, 2026.

Gisugyot sa konsehal nga makasumite og written report o rekomendasyon alang sa maong operasyon ang Business and Licensing Division ug CPDO kon kini nahiuyon ba zoning ordinance sa syudad. (RNQ/SP)