Selebrasyon sa IP Month 2026 gisugdan

PORMAL nga gisugdan ang selebrasyon sa Indigenous Peoples (IP) Month 2026 pinaagi sa usa ka ribbon-cutting ceremony alang sa "GAMA HU HIGAONON," nga nagsentro sa tema "Empowering Indigenous People: strengthening rights, culture and ancestral domain."

Sila si Bise Mayor Bebot Rodriguez ug IPMR Konsehal Datu Roberto Cabaring ang nangulo sa ribbon cutting alang sa maong kalihokan.

Dako ang pasalamat ni Konsehal  Cabaring ngadto sa amahan sa dakbayan, Mayor Rolando "Klarex" Uy, tungod sa makanunayon niining pagtabang ug pagtanyag sa mga maayong plano ug programa alang sa kaayohan sa mga IPs sa syudad.

Gipaabot usab niya ang pagpasalamat ngadto kang Bise Mayor Rodriguez ug sa tibuok konseho sa ilang walay puas nga suporta sa pagpangandam sa maong aktibidad.

Sa iyang pakigpulong, gihisgotan ni Cabaring nga sulod sa tulo ka tuig nga paningkamot ug representasyon sa IPMR, daghan na ang nakab-ot nga kalamposan.

Apan, giangkon ni Cabaring nga dili pa hingpit ang pagkahiusa tungod sa pipila ka mga rason nga anaa ra usab sa ilang mga kauban.

Bisan pa man niini, nagpabilin ang iyang paglaom ug lig-on nga pagsalig pinaagi sa makanunayon nga pagsuporta sa Republic Act 8371 (Indigenous Peoples' Rights Act).

Sumala pa kaniya, kini nga balaod ang magsilbing giya aron mahimong legal, hapsay, ug matinud

-anon ang pagpadagan sa tanan nilang mga buluhaton alang sa kalamboan sa tribo. (JRG/SP)