Salcedo nangusog nga mahan-ay color coding, zoning sa rela, trisikad

GIHINGUSGAN ni Konsehal Eric Salcedo, chairman sa komite sa public utilities, ang hingpit nga pagpatuman sa color coding ug zoning identification sa mga motorela ug triskad sa syudad.

Atol sa tigom sa komite, si Salcedo mibutyag nga dako og ikatabang pagpakunhod sa problema sa dagan trapiko kon hingpit nga ipatuman ang maong balaod.

Siya midugang nga sa pagkakaron, na-obserbaran nga bisan asa nalang ang mga trisikad mosulod aron mokuha sa pasahero.

Ang ubang trisikad moadto pa sa dili niya nga barangay nga miresulta sa kapiot sa trapik sa syudad, dugang sa konsehal.

Subay niini, gihangyo ni Konsehal Salcedo ang Roads and Traffic Administration (RTA) pinaagi ni Benedicto Ramiro ug Engr. Vicente Ranile sa City Equipment Depot, ug uban pang buhatan sa gobyerno nga tun-an ug isumite sa komite ang pinal nga rekomendasyon alang sa maong katuyoan. (MLR/SP)