RTA gihangyo paghimog konsultasyon uban sa roads users, truckers association

GIHANGYO ni Konsehal Eric Salcedo, chairman sa komite sa public utilities, ang Roads and Traffic Administration (RTA) nga magpahigayon og konsultasyon uban sa Oro Chamber of Commerce, road users ug ang mga truckers associations nga nag-operate sa syudad aron hisgotan ang mga pamaagi alang sa hingpit nga pagpatuman sa truck ban sa Dakbayan.

Gihimo ni Konsehal Eric Salcedo ang maong sugyot samtang gituki sa komite ang mga paagi unsaon pagsolbad ang kahoot sa dagan  trapiko sa syudad.

Nakita sa komite nga pinaagi sa pagpatuman sa truck ban, makunhoran ang problema sa trapiko sa syudad.Malaumon si Konsehal Salcedo nga makasumite ang Roads and Traffic Administration sa ilang rekomendasyon sa labing dali nga panahon aron mahatagan sa solusyon sa problema sa trapiko. (MLR/SP)