top of page

Recent Posts

Archive

Tags

Cabaring misaksi sa malampusong 'Alumo'tali sa IPS Nahilaran ug Evergrow Mining

2 hours ago
1 min read

DAKO ang kalipay ni Indigenous Peoples Mandatory Representative (IPMR) Konsehal Roberto Datu Cabaring tungod sa malamposong pagpahigayon sa makasaysayanong "Alumo" o reconciliation tali sa Indigenous Political Structure (IPS) sa Nahilaran Ancestral Domain (AD) ug sa Evergrow Mining Corporation.


Ang maong panagtigum nahitabo niadtong Nobyembre 10, 2026, didto mismo sa Tulogan, Tribal Village, sa Barangay Dansolihon.


Isip usa sa mga nag-unang saksi, gihatagan og dakong bili ni IPMR Cabaring ang proseso sa sinsero nga dayalogo.


Matod niya, ang mabinantayon ug mapasalamatong pagpaminaw sa matag panig maoy nahimong  dalan  aron maseguro nga maghari ang hustisya, pagsinabtanay, ug respeto sa katungod sa tribu ug sa kompanya.


Dugang pa ni Cabaring nga ang maong panag-uli  nagdala sa  usa ka lig-on nga pundasyon ug gilaoman nga pinaagi niini, mas mapalambo pa ang malungtarong kalinaw ug patas nga pag-uswag alang sa mas hayag nga kaugmaon sa tibuok komunidad sa Nahilaran. (JRG/SP)




 
 
 

Comments


bottom of page