Preparasyon sa Ms. CdeO gisugdan na - Go

NAGSUGOD na karon si Konsehal Gilda Go, chairman sa Miss Cagayan de Oro pageant, sa pagpangandam ug paghan-ay sa ika-76 nga Miss Cagayan de Oro sa umaabot sa 2026 Higalaay Festival.

Photo taken during CIO Facebook live

Kini ang nahisgotan sa konsehal atol sa programa sa Ang Konseho Karon sa usa ka inilang sibyahan sa radyo kauban ang pageant coordinator.

Gibutyag  sa konsehal nga himoon nilang labing masadya ug nindot ang maong indigay sa kaanyag ug gani ilang gisayo ang pagpangandam alang sa hingpit nga kalamposan sa maong kalihokan.

Niini, gipasalamatan ni Konsehal Go si Mayor Klarex Uy sa iyang makanunayong suporta ug sa pagsalig sa pagdumala sa maong indigay. (JRG/SP)