Pagtul-id sa mga dalan, drainage, MP Hall sa Balubal mapatuman

DUGANG kalamboan ang gilantaw nga mapatuman sa barangay Balubal.


Kini human ang konseho sa syudad ubos ni bise mayor Kikang Uy mihatag sa pag-uyon sa gisumeteng 2021 annual budget sa barangay balor P6.6 milyones kapin.


Lakip sa gipundohan mao ang pagtul-id sa ilang kadalanan nga gigahinan og P230 mil, pag-instalar og streetlights balor P200 mil, pagtul-id sa Multi-Purpose Hall balor P200 mil, pagtul-id sa water reservoir balor P150 mil, paglimpyo sa mga kanal balor P150 mil, dugang pundo pagtukod sa materials Recovery Facility ug P60 mil alang sa pagtul-id sa drainage system.


Ang barangay migahin usab og igong pundo alang pagpatuman sa uban pang mga programa ug proyekto nga gilantawng maghatag og dugang kaarangan sa kinabuhi sa katawhan.


Ang resolosyon nga gipasaka sa konseho alang sa maong katuyuan gipaluyohan sa komite sa barangay affairs ni konsehal Alam Lim ug komite sa pamalaod ni konsehal Ian Mark Nacaya.