Public safety sa kabarangayan aron malikayan ang sunog tun-an ni Gaane

GIPAABOT nga tukion sa komite sa climate change adaptation ug mitigation ug disaster risk reduction, ubos ni Konsehal Paolo Gaane, ang sugyot nga mga programa nga ipatuman ang regular nga pagpahigayon sa fire drill sa mga kabarangayan, pag-establisar sa functional response system, ug ang paghimo sa public safety pinaagi sa pagpasabot sa katawhan sa mga angayan buhaton aron malikayan ang mga insidente sa sunog sa dakbayan.

Kini human giduso ni Bise Mayor Bebot Rodriguez ang taho ni Konsehal Roger Abaday kabahin sa sunod-sunod nga sunog nga nahitabo sa syudad diin daghang pamilya ang nawad-an sa ilang mga pinuy-anan.

Gikaalarma ni Gaane ang sagad  sa isa sa hinungdan sa maong sunog ang pagpabaya sa mga bata nga nagduwa og posporo ug lighter sa mga minor de edad, faulty wirings, ug nabiyaang nakasaksak nga mga cellphones.

Naglaum si Konsehal Gaane nga masuportahan ang maong mga gisugyot nga mga programa ug mahatagan sa makuting pagtoon, makatambong ang mga hintungdang buhatan sa city hall ug ahensya sa umaabot nga tigom aron mahatag ang daliang solusyon, tukmang aksyon, ug rekomendasyon. (RNQ/SP)