Pagtukod og housing units sa reloc sites nagpadayon, Cabanlas

NAGPADAYON ang programa sa lokal nga kagamhanan pagtukod sa mga balay aron iapod apod ngadto sa mga kwalipikado nga benefisaryo.


Mao kini ang gipadayag ni konsehal Edgar Cabanlas, chairman sa komite sa urban/rural poor and housing development atol sa milabayng tigom sa komite diin pipila ka mga kapunungan ug individual ang gustong makapahimulos sa programa.


Matod sa konsehal nga dili angay mabalaka ang katawhan kay padayon pa ang paghimo sa mga gambalay sa mga nagkadaiyang resettlement sites sa syudad taliwala sa nasinating pandemya.

Gani, matud ni Cabanlas nga daghan na sa mga kabus nga kaigsoonan ang nakapahimulos ug natunulan sa desenteng mga pinuy-anan.


Prioridad sa gobyerno nga makapahimulos sa programa kadtong mga kabus nga hut-ong sa katilingban, pasabot ni konsehal Edgar Cabanlas. (SP/MLRapanot)