Pagpatuman sa Universal Health Care, suportado ni Konsehal Cabaring

SUPORTADO ni Konsehal Roberto Cabaring, chairman sa komite sa cultural communities sa konseho,  ang  pagpalig-on sa pagpatuman sa Universal Health Care sa dakbayan.

Mahinumdoman nga  mitambong ang konsehal  sa gipahigayong Learning Module on Reviewing Health Impact Assessment kauban ang Local Health Board (LHB) agig suporta sa pagpatuman  sa  UHC nga gitambayayoyan usab sa Department of Health (DOH).

Gipasabot ni Konsehal Cabaring nga  isip City Indigenous Peoples Mandatory Representative (IPMR) gisiguro niya nga malakip  sa maong programa ang mga katutubong komunidad dihas programa sa panglawas.

Nasayran nga ang kalihokan  nagtumong sa pagpalawom  sa kaalam ug husto  nga paggamit sa Health Impact Assessment aron  seguradong  epektibo  ang pagpatuman sa programa, ilabina sa mga lumad. (JRG/SP)