Pagpahamtang sa tipping fees, palisiya sa single use plastics gisukip sa sugyot Oro Env’t Code

GILANTAWNG mapalapdan pa ang kampanya sa kagamhanan sa dakbayan dinha sa pagproteher sa kinaiyahan.

Kini human padayong gitun-an sa Konseho sa syudad ubos ni Bise Mayor Kikang Uy ang sugyot nga Cagayan de Oro Environment Code diin nasukip ang Ecological Solidwaste Management nga naghan-ay sa papel sa matag barangay, pagpahamtang sa tipping fees, mga giya ug patakaran sa operasyon sa sanitary landfill, palisiya sa paggamit sa single use plastics ug giya alang sa operasyon sa mga junkshops.

Sa maong sugyot gidid-an usab ang paglabay dinha sa mga suba, creek ug dagat sa mga patayng hayop, nalatang mga lagutmon, hugaw gikan sa tawo o’ mga mananap, sawdust, basura ug chemical waste.

Ang matag kalapasan sa gisugyot nga mga patakaran pahamtangan sa multa nga dili mominus sa P5 mil o’ pagkapriso sa dili moubos sa usa ka bulan ug napulo ka adlaw ug dili molapas sa upat ka bulan o’ multa ug pagkapriso.