Mga IPs sa Cagayan de Oro nipadayag pagsupak sa HB No. 621

HUGTANONG nipadayag sa ilang hugot nga pagsupak sa House Bill No. 621 ang mga tribal councils sa dakbayan sa Cagayan de Oro nga gipangulohan ni IPMR Konsehal Datu Roberto Cabaring.

Sa tigom sa komite sa cultural communities  kagahapon diha sa konseho nga gitambungan sa mga hintungdang ahensya, ang mga tribal leaders sa dakbayan ingon man ang National Commission  on Indigenous People sa Misamis Oriental hiniusang nipadayag sa ilang pagsupak sa gidusong  sugyot balaodnon kay matod pa kon mapasa kaini dunay mawala nga opisina sa National Commission on  Indigenous People (NCIP) nga mao ang Ancestral  Domain Office (ADO) nga maoy ga delineate ug ga rekognisar sa mga kayotaan sa mga IPs.

Sumala pa nga sa maong balaod, ang katungod  sa pagdelineate ug pag-rekognisar sa yuta ihatag na kini sa Department of Environment and Natural Resources (DENR) ug ubang ahensya mga diin lahi na ang isitar nga mga rekisitos nga mahimong magpalisod sa mga lumad diha sa pagproseso sa ilang kayutaan.

Niini, nagpasalamat si Konsehal Cabaring sa tanang nipayadag sa ilang huna-huna pagsupak sa maong gisugyot nga balaodnon sa kaoluhan. (JRG/SP)