Pag-revisit sa firecrackers ordinance gisugyot ni Rodriguez

Si Konsehal Jonjon Rodriguez, chairman sa komite sa consumer protection, misugyot nga ma-revisit ang ordinansa sa syudad bahin sa firecrackers o fireworks.

Kini ang gibutyag sa konsehal atol sa hiniusang tigom nga nagtuki sa pagmonitor sa mga nagbaligya og mga firecrackers ug mga  lokasyon alang sa fireworks display sa syudad.

“Bisan og tradisyon kanatong mga Pinoy ang pagsaba-saba sa selebrasyon sa pasko ug ilabina sa pagtagbo sa bag-ong tuig, apan gusto nato nga kumpleto ang lima katudlo ug walay mabuthan sa mga pabuto”, matod sa konsehal.

Matod ni Rodriguez nga adunay pipila ka nasud nga ang kagamhanan estrikto kaayo ang pagregulate hangtod sa gidili ang pagpabuto sa bisan asa nga dapit sa syudad.

Niini gisugyot ni Rodriguez nga basin diha sa pagre-visit sa maong ordinansa mahatag ang dugang pagpaseguro nga walay indibidwal nga maaksidente panahon sa pagsaulog sa pasko. (RNQ/SP)