Pag-ila sa adunahang kabilin, kultura sa mga lumad gisuportahan ni Cabaring

DAKO ang pagtahod ug pag-ila  ni Konsehal Roberto Cabaring, chairman sa cultural communities sa konseho, sa adunahang kabilin ug kultura  sa dakbayan sa Cagayan de Oro ug ubang dapit.

Kini ang gipaabot sa konsehal atol sa kasaulogan  sa Cultural Communities Week nga nagdala sa tema "Katutubo, Kasaysayan, at Kaunlaran" (Indigenous Peoples, History, and Development) subay sa Proclamation No. 250, s.1998 nga gipahigayon niadtong Hulyo 6-13, 2026.

Mahinumduman nga ang Indigineous People’s Mandatory Representative sa dakbayan hugot nga  misuporta sa tibook nasud sa Pilipinas sa paghatag pasidungog sa tanang Indigenous Cultural Communities/Indigenous Peoples (ICCs/IPs) nga padayong nagpreserbar sa ilang tradisyon, kahibalo, pinulongan, ug mga pamaagi diha sa pag-amuma sa kinaiyahan.

Isip usa ka syudad  nga adunahan  sa kultura, ang Cagayan de Oro nagpakita nga ang panaghiusa ug respeto sa lumad nga kabilin maoy pundasyon  sa tinuod ug makatarunganong kalamboan, pamahayag ni Konsehal Cabaring. (JRG/SP)