Out of school youth gihatagan prayoridad ni Sacala

PADAYONG naningkamot  si Konsehal Kenneth John Sacala, chairman sa komite sa youth and sports development, nga mahatagan sa kaarangan ug mapalambo ang serbisyo alang sa mga Out of School Youth (OSY) sa dakbayan.

Sa programa sa radyo niadtong Mierkoles nga Ang Konseho Karon, gitaho sa konsehal ang ilang gipahigayon nga strategic planning di pa lang dugay diin lakip sa ilang gihatagan og atensyon ang kabatan-onang  wala na mag-eskwela kon Out of School Youth.

Sumala ni Sacala nga sa maong panagtigom kauban nila ang Out of School Development Alliance nga gilangkoban sa nagkalain laing buhatan nga adunay mga programa sa kabatan-onan ug ilang gitutokan ang kasamtangan ug umaabot pang programa sa kabatan-onan nga maghatag kaarangan sa ilang kinabuhi.

Malaumon si Sacala nga pinaagi sa pagtinabangay sa mga hintungdang  ahensya  makab-ot ang gitinguhang kaarangan ug malamboon nga serbisyo  alang  mga out of school youth. (JRG/SP)