Kolaborasyon talis brgy councils, IP structure-tribal council gisugyot ni Cabaring

GISUGYOT ni Konsehal Roberto Cabaring, chairman sa komite sa Cultural Communities sa konseho ang pagpalabang og ordinansa nga magmando alang sa mandatory nga kolaborasyon ug koordinasyon tali sa nga barangay councils ug sa indigenous political structure-tribal council alang sa daling resolusyon sa mga panagbangi ug sa pagdumala sa mga cultural indigenous community.

Kini ang unod sa special repot sa konsehal sa sesyon sa konseho  niadtong Lunes nga gidumala ni Bise Mayor Bebot Rodriguez.

Sumala ni Konsehal Cabaring nga adunay igong basehan ang pagpalabang sa maong ordinansa sama nalang sa nahitabong panagbangi sa political boundary tali sa mga lumad sa Palalan-Tablon ug FS Catanico sa ilang kayutaan.

Gipasabot sa konsehal nga hangtod karon dili pa gihapon klaro sa tagsa-tagsa ka hunahuna sa mga barangay officials ug mga IPs ang political o traditional boundary sa ilang  tagsa tagsa ka ginsakupan, butang nga makahatag  og bangi.

Niini, giduso ni Bise Mayor Rodriguez ang taho ni Cabaring ngadto sa komite sa cultural communities alang sa dugang pagtuon ug aksyon. (JRG/SP)