Kag Girlie mipasalamat sa tanang PWDs nga nagpabakuna

SI Konsehal Girlie Balaba, chairman sa komite sa Social Services, mipasalamat sa kagamhanan sa padayon paghatag og libreng bakuna alang sa katawhan sa syudad kontra Covid -19 virus.

Kini human nasayran sa konsehal nga adunay pipila ka sektor sa mga adunay kabilinggan sa panglawas kon Persons with Disabilities (PWDs) nga nakapahimulos sa maong bakuna sa pagtubag sa panawagan sa gobyerno nga mabakunahan.

Gibutyag sa konsehal nga taliwala sa ilang kakulangan sa panglawas naningkamot gyud sa pag-adto sa mga Vaccination Sites aron nga magpabakuna kay hugot ang ilang pagtoo sa makuhang benepisyo sa vaccine nga gawas nga protektado na sila mas maprotektahan ang ilang tibook banay sa makapatay nga virus.

Niini, si Balaba mipasalamat sa mga PWDs ug hugot nga miaghat sa katawhan labina sa sektor sa PWDs nga boluntaryong magpabakuna kay alang kini sa proteksyon sa panglawas kontra sa maong virus.