Higalaay Festival 2026 gipangandaman

SI Konsehal Roger Abaday, chairman sa komite sa public order and safety, hugot nga nangandam aron mahimong malinawon ug magmalampuson ang umaabot nga Higalaay Festival 2026 alayon sa kapistahan ni Sr. San Agustin.

Atol sa tigom sa komite, gituki ang pag-pangandam sa seguridad ingon man ang pag-mintinar nga mahimong hapsay ang dagan sa trapiko ug ang mga gidili nga dad-on sa katawhan panahon sa mga gihan-ay nga kalingawan sa syudad.

Sumala ni Abaday nga pinaagi sa kooperasyon ug pakigtimbayayong sa nagkadaiyang ahensya sa goberno, makab-ot ug mahimong malamposon ang maong kalihokan.

Gihangyo sa konsehal ang mga opisyal sa Philippine National Police, Armed Forces of the Philippines,  Philippine Coast Guard, Roads and Traffic Administration ug uban pang ahensya sa goberno sa pag-pahimutang og daghang personahe aron makatabang sa pagpatunhay sa kahusay ug kalinaw sa Dakbayan atol sa maong okasyon. (MLR/SP)