top of page

Demolisyon sa Barangay Patag gihangyong mauktaba

Gihingusgan ni Konsehal Roger Abaday, chairman sa komite sa senior citizen nga mahangyong ma-oktaba ang gitakdang demolisyon sa Zone 4, 5, 6 ug portion sa Zone-7 Barangay Patag ning syudad.

Kini ang gipadangat nga special report ni konsehal atol sa sesyon ni-adtong Lunes nga gidumala ni Bise Mayor Kikang Uy.

Sumala ni Abaday nga gibana-banang kapin sa 1,500 ka mga pamilya ang posibleng mawad-an sa ilang mga panimalay tungod sa nasangpit nga demolisyon.

Gani matud ni Abaday nga ni-adto untang Enero 4, 2022 ang gitakdang demolisyon sa dapit apan gumikan kay nag-atubang pa sa pandemia mihatag ug konsiderasyon ang korte ug mihatag sa 60 ka adlaw nga lugway butang nga gipasalamatan sa konsehal.

Dugang ni Abaday nga gi-respituhan niya ang mando sa korte ug ang tumong lang niini nga mahanyo ang korte nga malugwayan lang una ang pag-oktaba sa demolisyon mintras gihan-ay ug gi-prepara pa ang pag-proceso sa ilang relocation.

Nunot niini ang konseho hiniusang mipasaka og resolusyon nga naghanyo kang Presiding Judge Ana Candida N Casino sa RTC Branch 17 nga isibog lang una ang pagpatuman sa nasangpit nga writ of demolisyon (Hold in Abeyance).


Commentaires


bottom of page