Cabaring misuporta sa assessment, segregation activity sa Dansolihon

GISUPORTAHAN ni City IPMR  Konsehal Datu Roberto P. Cabaring ang gipahigayong Data Assessment ug Segregation activity dili pa lang dugay  didto sa Tulogan, Tribal Village, Barangay Dansolihon.

Tumong sa maong kalihokan ang pag-ila, pag-imbestigar ug pagbulag  sa mga pribadong titulo nga nasulod sa Ancestral Domain.

Pinaagi niini, masiguro nga limpyo ug walay legal nga babag ang mga utlanan sa yutang kabilin.Kauban ni Datu Cabaring sa gihimong assessment si Engr. Pailden gikan sa NCIP ug ang mga lumad nga gipangulohan ni Datu Saliksik Floro M. Lirongan.

Kini nga lakang magpadali sa pormal nga rehistrasyon sa Certificate of Ancestral Domain Title diha sa Register of Deeds aron pormal nga ma-award ang yuta ngadto sa tibuok komunidad sa mga Indigenous Peoples sa maong barangay. (JRG/SP)