Cabanlas nanghinaut matugutan pagresita sa Ivermectin

SI Konsehal Edgar Cabanlas, chairman sa komite sa Urban and Rural Poor and Housing Development, nagsugyot nga kun mahimo maresita na sa mga doktor ang tambal nga gitawag ug Ivermectin nga nasulayan na nga makaayo sa Covid-19 positive.

Sumala ni Cabanlas nga daghan na ang nagtestemonya nga mga Covid positive nga na ulian sa Ivermictin nga maoy ilang gihimong alternatibo nga tambal sa CoVid-19.

Gani ang syudad sa Bacolod mikunhod ang kaso sa Covid-19 human nila giaghat ang ilang katawhan nga maoy ilang pagatomaron, pamahayag ni Cabanlas.

Niini nagtoo si konsehal Cabanlas nga kun buhaton kini nato dinhi sa atong dakbayan hayan sulod sa duha ka semana adunay pag-ubos sa kaso ngadto sa 50% .

Nunot niini nanawagan si Cabanlas ug nanghinaot nga matugotan na sa mga kadagkuan sa Department of Health (DOH) ug sa Food Drug Administration (FDA) ang pagresita sa Ivermictin sa atong nasud.