Cabanlas gihingusgang pasidunggan ang kapolisan sa Rehiyon-10

DAKO ang kalipay ni Konsehal Edgar Cabanlas, chairman sa komite sa Urban and Rural Poor and Housing Development, sa kasulbaran sa kaso sa pagpusil patay ni Dr. Raul Winston Andutan, medical director sa Maria Reyna-Xavier University Hospital niadtong December 2, sa miaging tuig diha sa Barangay Nazareth.

Kini ang unod sa gipadangat nga special report ni Konsehal Cabanlas atol sa sesyon niadtong Lunes nga gidumala ni Bise Mayor Kikang Uy.

Sumala ni Cabanlas nga nadawat niya ang report sa kapolisan nga nasikop na ang mastermind sa krimen nga si Kagawad Richard Hepte sa Balingoan, Misamis Oriental.

Dugang ni Cabanlas nga gumikan sa hiniusang paningkamot sa kwerpo sa kapolisan uban ang mga nagkadaiyang Intelligence Unit daling nasulbad ang maong krimen.

Niini, gihingusgan ni Konsehal Cabanlas nga mapalabang ang resolusyon nga maghatag pasidungog sa kapolisan sa Rehiyon-10.

Nunot niini paborableng gisagop ang Resolusyon nga naghatag pasidungog sa daling pagsulbad sa nasangpit nga kaso.

Lakip sa gipasidunggan sila si P/Brig. Gen. Benjamin Casuga Andutan Jr., Regional Director PNP-10, P/Col. Aaron Mandia, City Police Director COCPO, P/Capt. Mark Allan Dungca sa RSOU-10, P/Lt. Col. Vicente Cabatingan sa TSC-RMFB-10, P/Maj. Excylo Alcantara sa CDEU, P/Maj. Adrian Cayabyab Ist PMFC Mis. Or. , P/Lt. Alfredo Ortiz sa COCPO-CMFC, P/Lt. Col. James Gaylan sa COCPO-CIU, P/Maj. Mariano Wenrecto dela Peña sa COCPO IDMU ug P/Maj. Allan Cairel, Precinct Commander sa Police Station-9.