Arbor Day gisuportahan ni Konsehal Cabaring

SUPORTADO ni Konsehal Robert Cabaring, chairman sa komite sa cultural communities sa konseho, ang gipahigayong pagpananom og kahoy  niadtong Sabado diha sa Cagayan de Oro Eco Park nga gipangunahan sa City Local Environment and Natural Resources Office (CLENRO).

Ang kalihokan pinasubay sa Ordinance No. 13548-2018 nga nagdeklarar sa Hulyo 4 matag tuig  isip Arbor Day o’ Day of Tree Planting in Cagayan de Oro.

Ang maong ordinance nagmando sa tanang residente sa dakbayan nga nagpanuigon  sa 12 anyos pataas nga motanom  og usa ka kahoy matag tuig.

Matod sa konsehal nga unang higayon pa kini nga nalambigit ang mga IP’s sa maong kalihokan ug sila malipayon nga ana-a kini nga programa tungod kay mahinungdanon kaayo ang pagpananom sa kahoy kay dako kaayo kini ikatabang sa kinaiyahan.

Gipasabot usab si Konsehal Cabaring nga  kinabuhi sa mga Lumad ang kalasangan ug dili sila mabuhi kon wala kini mao nga hugot nilang gisuportahan ang maong kalihokan. (JRG/SP)